Best te pas - Bladmuziek
Tekstdichters: Gerrit Dannenberg, Gerrit Schorn, Goaitsen van der Vliet, Hennik van 'n Scheenk'n (Henny Hamhuis),
Graads van ‘n Wegwiezer (Lex Meuris), Willem Wilmink, Jan Greve.
De pdf's met bladmuziek zijn down te loaden via de links onder elke titel.
01 Best te pas
tekst: Gerrit Dannenberg
pdf bladmuziek
02 Össeler Es
tekst Gerrit Schorn
pdf bladmuziek
03 Volkspark
tekst Jan Greve
pdf bladmuziek
04 Erve de Braker
tekst Gerrit Schorn
pdf bladmuziek
05 Roet'n Dieka
tekst Hennik van 'n Scheenken (Henny Hamhuis)
pdf bladmuziek
06 Café 't Vat
tekst Gerrit Schorn
pdf bladmuziek
07 De boakn’s braandt
tekst Gerrit Schorn
pdf bladmuziek
08 Nieuw Enschede
tekst Willem Wilmink
pdf bladmuziek
09 Hèèrfst
tekst Graads van ’n Wegwiezer (Lex Meuris)
pdf bladmuziek
Voor bladmuziek Vèèr Joarstieden zie
10 'n Weenters dreumke
tekst Gerrit Schorn
pdf bladmuziek
11 Oal’n roop
tekst Gerrit Schorn
pdf bladmuziek
12 Jeneverbes
tekst Gerrit Schorn
pdf bladmuziek
13 Wat noe
tekst Goaitsen van der Vliet
pdf bladmuziek
14 Oale beuk
tekst Gerrit Schorn
pdf bladmuziek
Acht gedichten van Graads (Lex Meuris Enschede 1904 - 1992), waarvan zeven uit de bundel Pottuffeln (1953)
en een: Hèèrfst 1956 uit de Tubantia.
In 2023 op muziek gezet voor vierstemmig mannenkoor en piano.
De links naar de pdf's met de bladmuziek staan steeds onder elke tekst.
De audio voorbeelden zijn gemaakt met midi saxofoons: sopraansax (T1) altsax (T2) tenorsax (B1) baritonsax (B2) en piano
Link naar de audio voorbeelden
Vuurjoar
1 Jao, ’t komp
De weend dee boldert duur de locht hen
Of een too is’t nog wa koold
Meer toch wod’t a wa luk aanders
Aj now boeten kiekt in’t hoolt
‘t Wod luk wa zeg in de buske
Net of’t hoolt begint te wèèrk’n
En der komp ne aandre kluure
Tuske ’t twieghoolt van de bèèrk ’n
Wat of’t is dat köj nich zegg ‘n
‘t Is zunne on bestemde kluur
’t Geheim van zukke zachte teent ‘n
Hef alleen meer de natuur
Gaot is mangs van de weg of
Springt is op nen ool’n wal
Kiekt naor hazelaars en wilg ‘n
Dee bint a ‘twiedst van al
Gao’j weerum dan nemt ’n vuske
Wilgenkatjes op de voes
Zet ze bi’j ow in de kökken
Dan hei ’t vuurjoar al in ’t hoes
Bladmuziek - steeds 4 versies in één pdf:
1 TTBB - piano (6 balken)
2 TTBB - piano (4balken)
3 TTBB (4balken)
4 piano - melodie (3 balken)
2 Vuurjoar
’s Morns as’t lech begeent te wodd‘n
Geet ’t d’r boeten a weer van
’n Geetling fluit en alle veugel
Slept weer stroo en twiegkes an
Dikke knöppe an de beume
Hier en daor zeej a ’n blad
Oonz’n oolen griezen kater
Den is snach‘ns weer op pad
Groova waandelt in de zunne
Jonge schaopkes dawwelt roond
Hier en doar komp a ’n bleumke
Oet de haos nog kale groond
De moor kik steureg nao’n bessem
Want de schoonmaak mut an kaant
Jao i’j könt an alns mèèrk ‘n
‘t Vuurjaor dat is weer in’t laand Bladmuziek
Zommer
3 A’j good luustert
As de zun daor steet te bleenken In ne helderblauwe loch
As de weend zoo zachjes suuzelt
Dat ‘t haos net lik op nen zoch
As de hommels op de bloom’n goonst
En as de veugel zeengt
Dan is’t net of al dee ding ‘n
Ow töt daankenszeggen dweengt
In de verte röp nen koekoek
’t Kleent zoo vrèèdeg en geröst
En ‘t is net of al ow zorg‘n
Vuur nen zet bint op e’lost
As ’t weer is nen mooi’n dag is
Leit ow dan is daal in ’t veld
En aj dan meer weet te luustern
Wod ow daor iets moois verteeld Bladmuziek
4 Dat is Twèènte
Zeet de zicht’n blaank as zulver
Soezend duur de rogge slaon
Zeet de riepe goold’n gaarv‘n
Rieg an rieg’ op d’essen staon
Zeet de keerls röstloos mèèien
Vrouleu beendt met rappe haand
Oonder zun en weend en wolk‘n
Aarms en köppe rood verbraand
Wiederop daor zwalmt de schosteens
Van ’n aander Twèèntelaand
Van de leu in de fabrieken
Zwoegers óók met heufd en haand
Twèènte lèèwt gezoond en krachteg
In de stad en op het laand
‘t Broest van kracht van dörf en will‘n
In oons aole Twèèntelaand Bladmuziek
Hèèrfst
5 ’t Lest van ’t zommer
A’j now boet’n um ow hen kiekt
Op ’t laand in ’t veeld en langs de wei
Dan is’t amaol weer zoo aanders
As in’t veurjaor umstreeks Mei
‘t Greun is lange nich zoo fris meer
‘n Eerst’n fleur den is der of
Hier en daor wodt ‘t spul a zoorder
De bla zit oonder ’n griez’n stof
De rogg’ is a van’n kaamp of
Weenterknoll’n bint weer zèèit
Hier en daor zeej nog wat boer’n
Dee de leste haver mèèit
‘t Wodt a weer vrooger duuster
De veugel zingt nich völle meer
Zwaluws smiet zich al an koppels
Dee vertrekt wa gauw ’n keer
En dan is’t weer oet met’t zommer
‘t Is toch meer nen kott’n tied
Al wat mooi is in ow lèèv‘n
Bi’j vaak al te gauw weer kwiet Bladmuziek
6 Hèèrfst
De rogg' is van de essen of
de haver is a meeid
de ploog hef't land wier zwarte maakt
en knollen bint wier zeeid
Zo hèènig geet 'n beuk en eek
a'n betjen an't verkluur'n
de bèèrk 'n dee begint a mangs
'n luk met't blad te guur'n
't Wod aomd en de zun zakt vot
nen dunnen witten daamp
koemp ongemèèrkt in't weilaand op
trekt zachjes aower ’n kaamp
Nen melkemmer rienkelt ergens nog
in de veerte ziengt ’n wicht
dan piept wied vot ’n kruuwaagnrad
en klienkt ne delduur dicht
Nen hofhoond blekt
ne koo leuit efkes
ne late kreei met lui’n slag
den zee'j nog èèm teeg'n de loch an
't is 't èènde van ’n septemberdag Bladmuziek
Weenter
7 ’n Eerst’n snee
’n Eerst’n snee den lig op’t laand
‘t Is net ’n mooi wit woll’n vach
Dat oet e’spreid duur zachte haand
Doar lig in onbereurde prach
Ne schéélderi’j geliek
De beum staot zwoarbelaan langs ’t veeld
Ne kèèrkklok kleppelt in de véérte
‘t Is net of z’ow iets moois verteelt
’n Eerst ’n snee ’n (4x)
Dan is’t weer stil en al ’t slechte
Schient van de mèènske vot te gaon
Zo’n oog‘nblik dan gaoj an’t dèènk‘n
Dan bliew i’j efkes heel stil stoan
Dan komp ow all’ns weer in gedacht‘n
van Kersmes ‘t aolderhoes en Ni’jjoar
En menneg mèènske komp zoodaoneg
Weer ongemèèrkt in’t rechte spoor Bladmuziek
8 Kersmis
Kersbeum keerskes lichtgefloonker
Roondum is de weald zoo doonker
Meer toch hoole wi’j ‘t vetrouw’n
En wi’j bliewt ook staöreg bouw’n
An de vrèède
Ook al zal’t nich heel gauw lukk‘n
Laot ow nich naor daalt’n drukk‘n
Wèèrkt vedan met alle kracht‘n
Want nao lange duustre nacht‘n
Komp de vrèè de
Laot het Kersfeest ow iets zegg’n
En ow dit in’t herte legg‘n
D’r komp ’n èèn an alle ding‘n
Eénmaol zöw met Kersmes zing‘n
Now is’t vrèède Bladmuziek
-